ბათუმის N4 საჯარო სკოლის მოსწავლეები და პედაგოგები სხვადასხვა მნიშვნელოვან თარიღებს მუდამ საინტერესო და ამავდროულად, ინფორმაციულ აქტივობებს უძღვნიან.

ამჯერად, სკოლის მე-5^ა და მე-5^დ კლასების მოსწავლეები უფროსი სპეციალური მასწავლებლის, ლალი ჯაფარიძის ხელმძღვანელობით, აუტიზმის შესახებ ცნობადობის ამაღლების მსოფლიო დღის აღნიშვნას შეუერთდნენ. მოსწავლეებმა რესურსოთახში სსსმ და შშმ მოსწავლეთა უფლებების დაცვისა და რეალიზაციის მხარდამჭერი პოსტერები დაამზადეს.

გაეროს გენერალურმა ასამბლეამ 2 აპრილი აუტიზმის შესახებ ცნობადობის ამაღლების მსოფლიო დღედ 2007 წლის 18 დეკემბერს გამოაცხადა. ინიციატივას ერთხმად შეუერთდა მსოფლიოს ყველა ქვეყანა, მათ შორის საქართველო. აუტიზმის მსოფლიო დღის აღნიშვნის მიზანია, გაზარდოს საზოგადოების ცნობიერების დონე აუტიზმთან დაკავშირებით. ასევე ხელი შეუწყოს აუტიზმის მქონე ადამიანების ფუნდამენტური უფლებების დაცვასა და რეალიზაციას.

იხილეთ ფოტოები: