დმანისის მუნიციპალიტეტის სოფელ ზემო ოროზმანის საჯარო სკოლაში აბიტურიენტების გასაცილებლად და პირველკლასელთა მისაღებად აქტიურად ემზადებიან.

როგორც სკოლის დირექტორის მოვალეობის შემსრულებელმა მაია ტაჯიევამ Etaloni.ge-ს უთხრა, წელს სკოლას სულ 18 აბიტურიენტი ამთავრებს. ისინი სწავლის გაგრძელებასა და უმაღლესი განათლების მიღებას აპირებენ.

სკოლაში ახალ სასწავლო წელს განსაკუთრებით პირველკლასელებს ელოდებიან. წელს მათი რაოდენობა 15-მდე იქნება.

აღსანიშნავია, რომ სკოლა ყველა მოსწავლეს მათ ინტერესებზე მაქსიმალურად მორგებულ გარემოს სთავაზობს. აქ მათ განვითარებაზე, ცოდნის გაღრმავებასა და შემოქმედებითი უნარების ჩამოყალიბებაზე ყოველდღიურად ზრუნავენ.