გურჯაანის მუნიციპალიტეტის კაჭრეთის საჯარო სკოლაში სხვადასხვა მნიშვნელოვან თარიღებსა და მოვლენებს მუდამ საინტერესო აქტივობებს უძღვნიან.

ამჯერად, სკოლაში დაუნის სინდრომის შესახებ ცნობიერების ამაღლების დღესთან დაკავშირებით მრავალფეროვანი ღონისძიებები ჩატარდა.

მე-9^ა კლასში პედაგოგმა ნინო გეთიაშვილმა ბავშვებს საინტერესო აქტივობა შესთავაზა, რომლის ფარგლებშიც მოეწყო ვიდეორგოლის ჩვენება; მოსწავლეებმა და პედაგოგმა ისაუბრეს თემის ირგვლივ და საზოგადოებაში არსებული მითები დაამსხვრიეს.

ასევე, სპეცმასწავლებელმა ხატია გეთიაშვილმა საინფორმაციო ბროშურები დაამზადა, რომლებიც ბავშვებმა სკოლაში დაარიგეს.