მარნეულის მუნიციპალიტეტის სოფელ ყიზილაჯლოს N2 საჯარო სკოლაში პირველკლასელებს დიდი სიხარულით ელოდებიან.

როგორც სკოლის დირექტორმა, გულავატინ მამედოვამ Etaloni.ge-ს უთხრა, ახალ სასწავლო წელს განსაკუთრებით პირველკლასელებს ელოდებიან. წელს მათი რაოდენობა 7 იქნება.

მისი თქმით, ამ 7 მოსწავლიდან 4-მა რეგისტრაცია გაიარა, დანარჩენებს კი ელოდებიან.

აღსანიშნავია, რომ სკოლა ყველა მოსწავლეს მათ ინტერესებზე მაქსიმალურად მორგებულ გარემოს სთავაზობს. აქ მათ განვითარებაზე, ცოდნის გაღრმავებასა და შემოქმედებითი უნარების ჩამოყალიბებაზე ყოველდღიურად ზრუნავენ.