თბილისის N208 საჯარო სკოლაში, „ახალი სკოლის მოდელის“ ფარგლებში, ეროვნული სასწავლო გეგმის კულტურული მრავალფეროვნების მიმართულებით, სასკოლო პროექტის - „ჩვენ, კაცთა, მოგვცა ქვეყანა, გვაქვს უთვალავი ფერითა“ ფარგლებში საინფორმაციო შეხვედრა გაიმართა.
შეხვედრის თემა გახლდათ - „გერმანელები საქართველოში“. საგანმანათლებლო ღონისძიებაში VIII1 კლასის მოსწავლეები მონაწილეობდნენ.
შეხვედრაზე კლასის დამრიგებელმა, თამარ მათიაშვილმა და ისტორიის პედაგოგმა, ვახტანგ თვალაძემ მოსწავლეებს მიაწოდეს ინფორმაცია საქართველოში გერმანული დასახლებების, გერმანელების ყოფა-ცხოვრებისა და ტრადიციების შესახებ.
აქცენტი გაკეთდა გერმანელთა წვლილზე ჩვენი ქვეყნის არქიტექტურის, ხელოვნების, სოფლის მეურნეობის და სხვა დარგების განვითარების საქმეში.
დაგეგმილია მოსწავლეთა სხვადასხვა სახის აქტივობები ქართულ-გერმანული ურთიერთობების შესახებ.
