აკაკი ჩხენკელის სახელობის ხონის N2 საჯარო სკოლის მე-5ა კლასის მოსწავლეებმა, დამრიგებლის, ლელა გორდაძის ხელმძღვანელობით, დაუნის სინდრომის საერთაშორისო დღე აღნიშნეს.
მრავალფეროვან აქტივობებთან ერთად, გაიმართა კინოჩვენებაც. მოსწავლეებმა შვედი რეჟისორის, იოჰან სკუგის ფილმი - „მოდის ჩვენება: გლადა ჰუდიკიდან ნიუ-იორკამდე“ ნახეს.
სკოლის წარმომადგენელი ფილმის მოკლე სიუჟეტს გვიყვება და ამით გვიხსნის თუ რატომ შეირჩა კინოჩვენებისთვის სწორედ ეს ფილმი.
„ემა ორთლუნდი მთელი ცხოვრება ოცნებობს, გახდეს მოდელი და ამისათვის დახმარებას „გლადა ჰუდიკ თეატრის“ დამფუძნებელს, პერ იოჰანსონს სთხოვს. ეს მიუღწეველი ოცნებაა ადამიანების უმეტესობისთვის, მით უმეტეს, შეზღუდული შესაძლებლობების მქონე პირებისთვის. უჩვეულო მოდელების ჯგუფთან ერთად იწყება თავბრუდამხვევი თავგადასავალი. „გლადა ჰუდიკ თეატრის“ მიზანია შეზღუდული შესაძლებლობების მქონე პირების მიმართ საზოგადოებაში დამკვიდრებული სტერეოტიპული აზროვნების, ხედვისა და დამოკიდებულების შეცვლა“.
იხილეთ ფოტოები:
