სამტრედიის N4 საჯარო სკოლის მოსწავლეებმა და მასწავლებლებმა გამოხატეს სოლიდარობა გულმზიანი ადამიანების მიმართ და დაუნის სინდრომის ცნობიერების ამაღლებისა და საზოგადოების მეტად ინფორმირების მიზნით, 21 მარტი, დაუნის სინდრომის საერთაშორისო დღე, აღნიშნეს.
„მეგობრები არ ითვლიან ქრომოსომებს!“ - ასეთია მოსწავლეთა გზავნილი.
პატარები დიდი სიყვარულით იმეორებდნენ ლექსის სტრიქონებს - „თუ ერთმანეთს გავამხნევებთ, ჩვენ მოვიგებთ ყველა ომებს. ვიმეგობრებთ,ვიერთგულებთ - არ დავითვლით ქრომოსომებს!
პატარებთან ერთად ღონისძიებაში აქტიურად ჩაერთვნენ სპეციალური საგანმანათლებლო საჭიროების მქონე მოსწავლეთა მასწავლებლებიც - ნათია აბულაძე და სალომე ბალანჩივაძე.
მათ პატარებს აუხსნეს, რომ დაუნის სინდრომი არც მემკვიდრეობითია და არც გადამდებია.
2013 წელს დაუნის სინდრომის საერთაშორისო ორგანიზაციის ინიციატივით „უთვალავი წინდის“ (LOTS OF SOCKS) ტრადიცია დამკვიდრდა. ის მასობრივი სოლიდარობას ორიგინალურად გამოხატვას ისახავს მიზნად.
იხილეთ ფოტოები:
