დღეს უკრაინაში ომია... რუსული რეჟიმი არავის ზოგავს, მათ შორისაა მშვიდობიანი მოსახლეობა... ბავშვები... და შეუძლებელია ამ სისასტიკის მიმართ ვინმე გულგრილი დარჩეს.

უკრაინასა და უკრაინელებს სოლიდარობას უცხადებს საქართველოც. საოცარი  მუხტია სკოლებში - პედაგოგები შეძლებისდაგვარად ამხნევებენ კოლეგებს, აგროვებენ ჰუმანიტარულ დახმარებას და ამით გმირობის კიდევ ერთ მაგალითს აძლევენ საკუთარ მოსწავლეებს.

უკრაინელი ხალხის გვერდითაა ხელვაჩაურის მუნიციპალიტეტის, ზედა განთიადის საჯარო სკოლა; დაწყებითი კლასების მოსწავლეებმა, კლასის ხელმძღვანელთან, მაია ცხადაძესთან ერთად, უკრაინელ თანატოლებს ვიდეომიმართვა მიუძღვნეს.

„ჩვენ თქვენთვის ვლოცულობთ" - ასე ანუგეშებენ ომის ქარცეცხლში გახვეულ უკრაინელ ბავშვებს ზედა განთიადის საჯარო სკოლის დაწყებითი კლასების მოსწავლეები და ესაა მკვეთრი გზავნილი - მსოფლიოში არც ერთ ბავშვს არ უნდა ომი.