„იმედი მაქვს, რომ ეს თაობა იტყვის თავის სიტყვას“- ლიანა ჩხაიძე, თბილისის N102 საჯარო სკოლის დირექტორი
09-03-2022
როგორი უნდა იყოს იდეალური მოსწავლე? რა არის უმთავრესი, რასაც მოსწავლეს ასწავლიან? რა ახარებს, როგორც დირექტორს? - ამ და სხვა საკითხებზე Etaloni.ge-ს თბილისის N102 საჯარო სკოლის დირექტორი ლიანა ჩხაიძე ესაუბრა.
- უმთავრესი, რასაც მოსწავლეს ვასწავლით. . .
- კონკრეტული საგნის ცოდნასთან ერთად არის, სასკოლო-სასწავლო გარემოს, უფროსებისა და თანატოლების პატივისცემა და სიყვარული, თვითშეფასების უნარი, საკუთარი აზრის დაცვა სხვისი აზრის პატივისცემა და გათვალისწინება, ტოლერანტობა,ჰუმანიზმი.
- ვფიქრობ, იდეალური მოსწავლე...
- არის, ის, რომელსაც აქვს მიზნები და ინტერესები, შეუძლია ბევრი იშრომოს მიზნის მისაღწევად, შეუძლია დასვას კითხვა, თავისუფლად გამოხატოს საკუთარი აზრი, უყვარს სკოლა, სკოლაზე ზრუნვა, მეგობრებთან ერთად საინტერესო პროექტების დაგეგმვა.
- უმთავრესი, რასაც მოსწავლეს ვასწავლით. . .
- კონკრეტული საგნის ცოდნასთან ერთად არის, სასკოლო-სასწავლო გარემოს, უფროსებისა და თანატოლების პატივისცემა და სიყვარული, თვითშეფასების უნარი, საკუთარი აზრის დაცვა სხვისი აზრის პატივისცემა და გათვალისწინება, ტოლერანტობა,ჰუმანიზმი.
- ვფიქრობ, იდეალური მოსწავლე...
- არის, ის, რომელსაც აქვს მიზნები და ინტერესები, შეუძლია ბევრი იშრომოს მიზნის მისაღწევად, შეუძლია დასვას კითხვა, თავისუფლად გამოხატოს საკუთარი აზრი, უყვარს სკოლა, სკოლაზე ზრუნვა, მეგობრებთან ერთად საინტერესო პროექტების დაგეგმვა.
- ვცდილობ სკოლაში შევქმნა...
- სასიამოვნო, საინტერესო, სასწავლო პროცესზე ორიენტირებული გარემო. ყველა პროექტი, პროგრამა, რაზეც გვიწევს მუშაობა, არ უნდა იყოს გაკეთებული მხოლოდ იმიტომ, რომ ეს სავალდებულოა, ჩვენ ყველამ უნდა ვიცოდეთ, რასაც სკოლაში ვაკეთებთ, რაზეც სკოლაში ვმუშაობთ მოსწავლის, ზოგადად მომავალი თაობის სწორად აღზრდას, მსოფლმხედველობის ჩამოყალიბებას უნდა უწყობდეს ხელს.- როგორც დირექტორს, მახარებს რომ...
- ჩემთან თავისუფლად შეუძლია მოსვლა და საკუთარ პრობლემებზე საუბარი ნებისმიერ მოსწავლეს, მშობელს, მასწავლებელს, ჩვენ ერთად შეგვიძლია არსებული პრობლემის გადასაჭრელად მოვძებნოთ გზები, მახარებს მათი წარმატებები და ამ წარმატებების მისაღწევად სასკოლო-სასწავლო გარემოს მაქსიმალურად გამოყენება.- კოლეგებისგან ხშირად მესმის...
- რომ არსებული, საკმაოდ რთული გამოწვევების დროს გვიწევს მუშაობა, რომ პანდემიამ ძალიან ბევრი პრობლემა მოიტანა, რაზეც ისევ სკოლამ და მასწავლებელმა უნდა იზრუნოს, შედეგზე გასასვლელად. მაგრამ სასიამოვნო მოსასმენია, იქვე რომ დასძენენ... შეძლებენ ყველაფერს, ეცდებიან მაქსიმალურად, რომ ბავშვებმა სკოლაში სრულფასოვანი განათლება მიიღონ.- დღევანდელობაში საჭიროა...
- მეტი ინტერესის გამოჩენა სასწავლო პროცესის მიმართ, დღეს მოსწავლეს აქვს საშუალება თავისუფლად გამოხატოს თავისი აზრი, სასწავლო პროცესის მიმართ თანამედროვე მიდგომები მათ საშუალებას აძლევთ მიიღონ მონაწილეობა ძალიან ბევრ სასწავლო-საგანმანათლებლო პროექტში, პედაგოგებთან და სკოლის ადმინისტრაციასთან ერთად დაგეგმონ საინტერესო შეხვედრები.
- იმედი მაქვს, რომ...
- ეს თაობა იტყვის თავის სიტყვას, ჩვენ ძალიან კარგი მოსწავლეები გვყავს, თუ ჩვენ, უფროსები შევძლებთ მათი შესაძლებლობების, ინტერესების მაქსიმალურად გამოვლენას და მათ გვერდით დგომას კრიტიკულ სიტუაციებში.
სკოლების სიახლეები
