დმანისის მუნიციპალიტეტის სოფელ დიდი დმანისის საჯარო სკოლის პირველი კლასის მოსწავლეებმა, პედაგოგ ხათუნა ოქრიაშვილთან ერთად, ქართულ ენაში კომპლექსურ დავალებაზე იმუშავეს.
დავალების თემა გახლდათ - გოგებაშვილის - „ბერიკაცი და ნამყენის“ მიხედვით სიუჟეტის გაგრძელება. დავალების პირობა კი: რა მოხდება 15 წლის შემდეგ?
თითოეულმა მოსწავლემ წარმოადგინა განსხვავებული შინაარსის ნამუშევარი, რომელსაც დაურთო: ნახატი, მათ შორის ციფრული და ნაძერწი ნაკეთობა. პრეზენტაცია იყო სახალისო და საინტერესო.
აღსანიშნავია, რომ დიდი დმანისის საჯარო სკოლაში წარმატებით ინერგება მესამე თაობის ეროვნული სასწავლო გეგმა, რომლის ერთ-ერთი კომპონენტი კომპლექსური დავალებებია. მოსწავლეები და მასწავლებლები კომპლექსურ დავალებებს დიდი პასუხისმგებლობით ეკიდებიან და აღნიშნულ დავალებებზე წარმატებით მუშაობენ.
იხილეთ ვიდეო:
