ახალციხის N5 საჯარო სკოლის მოსწავლეებმა აპლიკაციის დახმარებით ციფრული მედიის უსაფრთხო გამოყენება ისწავლეს
21-02-2022
ახალციხის N5 საჯარო სკოლა უსაფრთხო ინტერნეტის დღის აღნიშვნას შეუერთდა. ამ დღესთან დაკავშირებით მოსწავლეებმა ინტერნეტის უსაფრთხო გამოყენება ისწავლეს.
კომუნიკაციების კომისიის მედიაწიგნიერების ტრენერის დახმარებით, აპლიკაცია - Happy Onlife-ით ახალციხის N5 საჯარო სკოლის დაწყებითი კლასის მოსწავლეებმა თამაშის გზით ისწავლეს ციფრული მედიის უსაფრთხო და პასუხისმგებლიანი გამოყენება, ონლაინკონტენტის კრიტიკული შეფასება და ანალიზი.
Happy Onlife, რომელიც ევროკავშირის 9 ქვეყანაში წარმატებულ აპლიკაციად არის აღიარებული, ხელს უწყობს მშობლებსა და მასწავლებლებს აქტიურად იზრუნონ ბავშვების მედიაწიგნიერების უნარ-ჩვევების განვითარებაზე და დაიცვან ისინი კიბერბულინგისგან.
უსაფრთხო ინტერნეტის დღე 8 თებერვალს მთელი მსოფლიო მასშტაბით აღინიშნება.
იხილეთ ფოტოები:
სკოლების სიახლეები
