„ჰიდროსფერო“ - თბილისის N14 საჯარო სკოლის მოსწავლეებმა საინტერესო პროექტზე იმუშავეს
16-02-2022
თბილისის N14 საჯარო სკოლის მოსწავლეები გარემოზე აქტიურად ზრუნავენ და ამ მინით არაერთ აქტივობასა და გარემოსდაცვით კამპანიაში მონაწილეობენ.
თებერვალი წყლის დაზოგვის თვეა. აღნიშნულთან დაკავშირებით, სკოლის VII1 კლასის მოსწავლეებმა პროექტზე - „ჰიდროსფერო“ იმუშავეს.
მეშვიდეკლასელები პროექტში ინტერესით ჩაერთვნენ, იაქტიურეს და წყლის რესურსების მნიშვნელობაზე ისაუბრეს.
„მოსწავლეებმა საკმაოდ სიღრმისეულად და ხარისხიანად იმუშავეს პროექტზე. წარმოგვიდგინეს ოკეანეების, ზღვების, მდინარეების, ტბების, წყალსაცავების, მყინვარებისა და ჭაობების მნიშვნელობა გარემოსთვის“,- აღნიშნულია სკოლის მიერ გავრცელებულ ინფორმაციაში.
სკოლების სიახლეები
