ცაგერის საჯარო სკოლის მე-11 კლასის მოსწავლე თამარ კოპალიანი ეროვნული სასწავლო ოლიმპიადის მე-3 ტურში გადავიდა. მოსწავლემ წარმატება ქიმიის ოლიმპიადაში მოიპოვა.
თამარ კოპალიანის ქიმიის მასწავლებელი ნუნუ ჩაკვეტაძე გახლავთ.
სკოლის დირექცია მოსწავლეს წარმატებას ულოცავს, პედაგოგს კი გაწეული შრომისთვის მადლობას უხდის.
„2021-2022 სასწავლო წლის მოსწავლეთა ეროვნული სასწავლო ოლიმპიადის მე-2 ტურში (საგანი ქიმია) უმაღლესი შეფასების მიღებას და მე-3 ტურში წარმატებით გადასვლას ვულოცავთ ქალაქ ცაგერის საჯარო სკოლის მე-11 კლასის მოსწავლეს, თამარ კოპალიანს.
უღრმესი მადლობა ქიმიის პედაგოგს, ქალბატონ ნუნუ ჩაკვეტაძეს, რომელიც წლებია მაქსიმალურს აკეთებს მოსწავლეთა შესაძლებლობების გამოვლენა- განვითარებისათვის.
კვლავ ულევ წარმატებას გისურვებთ ჩვენო ნუნუ მასწავლებელო და ჩვენო თამუნია“,- ნათქვამია მისალოც წერილში.
