ქობულეთის მუნიციპალიტეტის ხუცუბნის საჯარო სკოლის IX კლასის მოსწავლეები - ნათია ესელიძე და ლიზი ჟიჟავაძე, ქართული ენისა და ლიტერატურის მასწავლებელ ნაირა ჟიჟავაძის ხელმძღვანელობით, ვახტანგ კოტეტიშვილის სახელობის ახალგაზრდა ფოლკლორისტთა რიგით მე-20 შეკრებაში მონაწილეობდნენ.
ფოლკლორისტთა შეკრება 15 დეკემბერს ჩატარდა.
მათ საგანმანათლებლო ღონისძიებაზე წარადგინეს თემა - „შაირები ბევრი ვიცი“.
შეკრება, რომელსაც - „ახალგაზრდა ფოლკლორისტთა შეკრების“ პროექტის ხელმძღვანელი ქალბატონი ცისანა ხაზარაძე ხელმძღვანელობდა, დისტანციურ რეჟიმში წარიმართა.
მოსწავლეების მიერ რესპონდენტებისაგან ჩაწერილი შაირები ეხებოდა სხვადასხვა თემებს: სიხარულს, პრობლემებს, ახალგაზრდებს, თაობათა შორისა და რძალ- დედამთილის ურთიერთობებს. პრეზენტაცია მოსწავლეებმა წარადგინეს რძალ- დედამთილის ურთიერთობის თემაზე ჩაწერილი შაირებით ფანდურზე დამღერებითა და აჭარული განდაგანას თანხლებით.
მონაწილე მოსწავლეები ლიზი ჟიჟავაძე და ნათია ესელიძე დაჯილდოვდნენ მოსწავლე-ახალგაზრდობის ეროვნული სასახლის დიპლომებით.
იხილეთ ფოტოები:
