„ვცდილობ სკოლაში შევქმნა, უსაფრთხო და შესაძლებლობებით მდიდარი გარემო“- ზედა ბზვანის საჯარო სკოლის დირექტორი ვაჟა ტყეშელაშვილი
რა არის დღევანდელობაში საჭირო? რა ახარებს როგორც დირექტორს? და მისი აზრით, რა არის ის უმთავრესი, რაც მოსწავლეს უნდა ვასწავლოთ? - ამ და სხვა საინტერესო ბლიც-კითხვებს etaloni.ge-ს ვანის მუნიციპალიტეტის სოფელ ზედა ბზვანის საჯარო სკოლის დირექტორი ვაჟა ტყეშელაშვილი პასუხობს.- უმთავრესი, რასაც მოსწავლეს ვასწავლით. . .- უმთავრესი, რასაც მოსწავლეს ვასწავლით არის ჩამოყალიბდეს კანონმორჩილ და ტოლერანტ მოქალაქედ, რათა მას მიეცეს დამოუკიდებლად ცხოვრებისა და გადაწყვეტილებების მიღების საშუალება.
- ვფიქრობ, იდეალური მოსწავლე. . .- იდეალური მოსწავლე არის რომელიც იღებს მკვიდრ ცოდნას.
- ვცდილობ სკოლაში შევქმნა. . .- უსაფრთხო და შესაძლებლობებით მდიდარი გარემო.
- როგორც დირექტორს, მახარებს რომ. . .- სკოლაში არის მასწავლებელთა და მოსწავლეთა ჯანსაღი გარემო.
- კოლეგებისგან ხშირად მესმის. . .- წუხილი პანდემიისგან გამოწვეული სირთულეების შესახებ სწავლა-სწავლების პროცესში.
- დღევანდელობაში საჭიროა. . .- მოსწავლეთა და მშობელთა მეტი ჩართულობა სასკოლო საქმიანობაში.
- იმედი მაქვს, რომ. . .- დასახულ მიზნებს მივაღწევთ და გავუმკლავდებით მიმდინარე გამოწვევებს.