ახალქალაქის მუნიციპალიტეტის სოფელ კოჩიოს საჯარო სკოლაში მოსწავლეთა ცოდნის გაღრმავებასა და შემოქმედებითი უნარების განვითარებაზე ყოველდღიურად ზრუნავენ. 

მოსწავლეები ხშირად ასრულებენ სხვადასხვა საგანმანათლებლო და შემოქმედებით აქტივობას. 

ამჯერად, სკოლის მე-11 კლასის მოსწავლეებმა ჯანმრთელი კვებისა და ბუნებრივი საკვების შესახებ პრეზენტაცია მოამზადეს. მეთერთმეტეკლასელებმა თემის ირგვლივ დეტალური ინფორმაცია მოიძიეს, გუნდურად იმუშავეს და საკითხთან დაკავშირებით სხვებსაც ამომწურავი ინფორმაცია გააცნეს. 

აღნიშნულ აქტივობაში მოსწავლეები დიდი ინტერესით, მონდომებითა და ხალისით ჩაერთნენ.