მეძიბნის საჯარო სკოლაში რეგულაციებს სრულად იცავენ
26-01-2022
ქედის მუნიციპალიტეტის სოფელ მეძიბნის საჯარო სკოლაში 2021-2022 სასწავლო წლის II სემესტრი 17 იანვარს საკლასო ოთახებში, რეგულაციების დაცვით, განახლდა.
სკოლის დირექცია სასწავლო პროცესის უსაფრთხო გარემოში წასამართად ყველაფერს აკეთებს. სკოლაში სრულად დაცულია სანიტარულ-ჰიგიენური ნორმები.
„სკოლა სრულად მზადაა სასწავლო წლის გაგრძელებისათვის. განათლებისა და მეცნიერების სამინისტრომ დროულად მოამარაგა COVID-19-ის საწინააღმდეგო ხსნარებით.
სკოლის თანამშრომლები, მოსწავლეები და მათი მშობლებიც გაგებით ეკიდებიან ქვეყანაში არსებულ მძიმე ეპიდვითარებას და ზედმიწევნით იცავენ რეგულაციებს“,- აღნიშნულია სკოლის მიერ მოწოდებულ ინფორმაციაში.
სკოლების სიახლეები
