სიღნაღის მუნიციპალიტეტის სოფელ ძველი ანაგის საჯარო სკოლის ეკოკლუბმა „ფესვებმა“ ახალგაზრდულ გარემოსდაცვით კონკურსში - „ნიკო კეცხოველის სასკოლო პრემია 2022“ მონაწილეობა პოზიტიური სიახლით დაიწყო.
ეკოკლუბი ნერგების მაქსიმალური რაოდენობით დეკემბრის თვის ლიდერი გახდა.
აღსანიშნავია, რომ ყველა გარემოსდაცვითი აქტივობა, რომელსაც კონკურსის ფარგლებში ეკოკლუბელები ახორციელებენ ფასდება პირობითი ერთეულით - „ნერგებით“. შესაბამისად სკოლის მოსწავლეებმა ბუნებრივი და სოციალური გარემოს
სასიკეთოდ დეკემბერში ყველაზე მეტი ქმედება განახორციელეს.
ეკოკლუბი „ფესვები“ და მისი ხელმძღვანელი ლია გოგილაშვილი მადლობას უხდის ორგანიზაცია CENN-ს და თანაორგანიზატორებს საქართველოს პარლამენტს, გარემოს დაცვისა და სოფლის მეურნეობის სამინისტროს, განათლებისა და მეცნიერების სამინისტროს.
პროექტს ფინანსურად მხარს უჭერს ავსტრიის განვითარების თანამშრომლობა/ Austrian Development Cooperation.
სკოლა ყველა ეკოკლუბს პტოექტში წარმატებას უსურვებს.
