ერკეთის საჯარო სკოლაში შემოქმედებით-ინტელექტუალური ღონისძიება ჩატარდა
27-12-2021
ჩოხატაურის მუნიციპალიტეტის სოფელ ერკეთის საჯარო სკოლაში ქართულ ენასა და ლიტერატურაში, საინტერესო თემატიკით, შემოქმედებით-ინტელექტუალური ღონისძიება ჩატარდა.
ღონისძიებას ქართული ენისა და ლიტერატურის მასწავლებელი ციალა ჭიხვარია ხელმძღვანელობდა.
ერთმანეთს შეერკინა 2 გუნდი - „ლომები“ და „არწივები“.
როგორც სკოლის წარმომადგენელი აღნიშნავს, წარმოდგენილი იყო ნომინაციები ქართული ენიდან - სიტყვები და წინადადებები გრამატიკულად გამართულ წერასა და გამოთქმაზე.
შერჩეული იყო ლიტერატურიდან ნომინაციები - „ნადირობა“ (ვინ ან რა იპოვეს ნადირობისას), „ცხენი“ (მოსწავლეებმა მოუძებნეს პატრონები - ლიტერატურული გმირები).
ჟიურის შეფასების მიხედვით 1 ქულის უპირატესობით „ლომებმა“ გაიმარჯვეს.
„ღონისძიებამ მოსწავლეებს ცოდნა გაუმდიდრა“,- აღნიშნავენ სკოლაში.
იხილეთ ფოტოები:
სკოლების სიახლეები
