მამუკა სამაკაშვილის სახელობის წყალტუბოს N2 საჯარო სკოლის მოსწავლეებმა ლუკა ომანაძემ და საბა გველესიანმა კვიპროსში, სამბოში კადეტებს შორის მიმდინარე ევროპის ჩემპიონატზე თავიანთ წონით კატეგორიებში საპრიზო ადგილები დაიკავეს.
მათ საკვალიფიკაციო ეტაპი წარმატებით გაიარეს, ფინალურ ბლოკაშ გადავიდნენ და წარმატებას მიაღწიეს.
საბა გველესიანმა პირველი ადგილი დაიკავა, ხოლო ლუკა ომანაძემ მესამე.
სკოლა ამაყია მოსწავლეებით და უამრავ წარმატებას უსურვებს.
„მოჭიდავეები 3-3 მოგებით ფინალურ ბლოკში გადავიდნენ. საბოლოოდ,ლუკა ომანაძემ მესამე საპრიზო ადგილი და ბრინჯაოს მედალი მოიპოვა, საბა გველესიანმა კი ფინალური ბლოკი მაღალ დონეზე ჩაატარა და თავისი საშემსრულებლო ოსტატობით პირველობა არავის დაუთმო, კვარცხლბეკის უმაღლესი საფეხურიდიან ოქროს მედლით მკრდდამშვენებულმა საქართველოს ჰიმნი ააჟღერა“,- წერს სკოლა.
