მესტიის მუნიციპალიტეტის სოფელ ლენჯერის N1 საჯარო სკოლაში მესამე თაობის ეროვნული სასწავლო გეგმა აქტიურად ინერგება.
სკოლაში მიმდინარეობს პროექტი - „პატარა ფინანსისტები“, რომელიც მიზნად ისახავს მოსწავლეთა ფინანსური წიგნიერების ამაღლებას, პირადი ფინანსების მართვის ჩვევების გამომუშავებას, მოსწავლეთა ეკონომიურად გათვითცნობიერებულ მოქალაქეებად აღზრდას.
პროექტის ფარგლებში სკოლაში საშემოდგომო ბაზრობა გაიმართა. საბაზო სკოლის მოსწავლეებმა საკუთარი ხელით დამზადებული კუპიურებით შეიძინეს ბაზრობაზე გამოტანილი პროდუქტები.
პროექტის ხელმძღვანელი ლალი ხაფთანი გახლავთ. პროექტის განხორციელებაზე მუშაობდა გუნდი -ელისო გულედანი და თამარ ხაფთანი.
„გავაცილეთ მადლიანი შემოდგომა. დღემ ხალისიანად და ნაყოფიერად ჩაიარა. წინ უამრავი საინტერესო აქტივობაა“,- აღნიშნულია სკოლის მიერ გავრცელებულ ინფორმაციაში.
იხილეთ ფოტოები:
