ხელვაჩაურის რაიონის სოფელ ქედქედის საჯარო სკოლის პირველკლასელებმა მათემატიკაში გეომეტრიული ფიგურების შესწავლა მხიარული შეჯიბრით - „ჩვენ უკვე ყველა გეომეტრიული ფიგურა ვიცით“ აღნიშნეს.

პატარა მოსწავლეები სათითაოდ მიდოდნენ სპეციალურად მოწყობილ მაგიდასთან და ცდილობდნენ თავიანთ კლასელზე სწრაფად მოეხერხებინათ გეომეტრიული ფიგურის შესაბამის ადგილზე მოთავსება.

საბოლოო ჯამში, დავალებას ყველამ წარმატებით გაართვა თავი, მოსწავლეები კიდევ უფრო გახალისდნენ და შეიყვარეს მათემატიკა.