თერჯოლის მუნიციპალიტეტის სოფელ სიქთარვის საჯარო სკოლის წარჩინებული კურსდამთავრებულები კუთვნილი ოქროსა და ვერცხლის მედლებით დაჯილდოვდნენ.

„სკოლის 2019-2020 სასწავლო წლის კურსდამთავრებულებს - ნანუკა რობაქიძეს ოქროს მედალი გადაეცა, ხოლო მარიამ ჩიხლაძეს - ვერცხლის; 2020-2021 სასწავლო წლის კურსდამთავრებულებს კი ოქროსმედალოსნებს: ანნა კვატაიას, საბა აბულაძეს, ანზორ ისაკაძესა და ვერცხლისმედალოსანს - გაგა აბულაძეს თერჯოლის მუნიციპალიტეტის მერმა, ბატონმა ლაშა გოგიაშვილმა ფულადი ჯილდო და სამახსოვრო საჩუქრები გადასცა“, - აღნიშნულია გავრცელებულ ინფორმაციაში.

​შეგახსენებთ, რომ ოქროს მედალი სკოლის კურსდამთავრებულებს იმ შემთხვევაში გადაეცემათ, თუ მათი საშუალო საფეხურის საერთო ქულა იქნება 10 დამრგვალების გარეშე. მოსწავლე, რომლის საშუალო საფეხურის საერთო ქულა იქნება 9.8, ვერცხლის მედალს მოიპოვებს.