თბილისის N21 სკოლის მე-9 კლასში, „ახალი სკოლის მოდელის“ ფარგლებში, ისტორიის პედაგოგმა, მაგდა ჯანელიძემ კომპლექსური დავალება ჩაატარა.
გაკვეთილს ესწრებოდნენ: განათლების და მეცნიერების სამინისტროდან, სკოლის ქოუჩი მარეხ ჩიკვაიძე, კლასის დამრიგებელი ნუცა ლებანიძე და ასევე კათედრის სხვა პედაგოგები.
„ამ მოდელის პირველი სეგმენტი არის ისტორიული ესე - ერეკლე მეფე, როგორც პოლიტიკოსი და საზოგადო მოღვაწე. კლასის მოსწავლეების ნაწილი, რომლებიც დისტანციური სწავლების ფორმაზე იყვნენ, გაკვეთილს ონლაინ დაესწრნენ“,- აღნიშნავს სკოლის წარმომადგენელი.
აღსანიშნავია, რომ სკოლებში აქტიურად და წარმატებით მიმდინარეობს მესამე თაობის ეროვნული სასწავლო გეგმის დანერგვა, რომლის ერთ-ერთი კომპონენტი სწორედ კომპლექსური დავალებებია. მოსწავლეები და მასწავლებლები კომპლექსურ დავალებებს დიდი პასუხისმგებლობით ეკიდებიან.
იხილეთ ფოტოები:
