ჟორჟი კვარაცხელიას სახელობის წალენჯიხის მუნიციპალიტეტის მიქავას თემის N1 საჯარო სკოლის მოსწავლეებმა საქართველოს ეროვნულ ინტელექტ-ჩემპიონატ „ეტალონში“ წარმატებით იასპარეზეს. 

წალენჯიხის მუნიციპალიტეტის დისტანციური კონკურსის პირველ ეტაპში 5 მოსწავლე მონაწილეობდა, ხუთივე მათგანი შემდეგ ეტაპზე გადავიდა და ოქროს სიგელები დაიმსახურეს. 

წარმატებული მოსწავლეები არიან:

• გიორგი კვარაცხელია;
• ლიზი ბუხრაშვილი;
• მარიამ კვარაცხელია;
• შოთა ყალიჩავა;
• ბექა კვარაცხელია.

მათგან ლიზი ბუხრაშვილმა კონკურსის მეორე ეტაპის ყველაზე მაღალქულიან მონაწილეთა რეიტინგში მესამე ადგილი დაიკავა, 
მარიამ კვარაცხელიამ კი - მე-8.

25 ნოემბერს საქართველოს ეროვნული ინტელექტ-ჩემპიონატი „ეტალონი“ დისტანციურ რეჟიმში წალენჯიხელი მოსწავლეებისთვის ჩატარდა. ინტელექტუალურ კონკურსში წალენჯიხის მუნიციპალიტეტის სკოლების მე-8, მე-9, მე-10 და მე-11 კლასის მოსწავლეები ჩაერთნენ. 

კონკურსის პირველი ეტაპის შედეგების მიხედვით შეირჩა 73 მოსწავლე, რომლებიც 30 ნოემბერს ერთმანეთს „წალენჯიხის ეტალონი მოსწავლის“ ტიტულისთვის შეეჯიბრნენ. 

საქართველოს ეროვნული ინტელექტ-ჩემპიონატ „ეტალონის“ დისტანციური ფორმატის მიზანია მოსწავლე-ახალგაზრდებში არაფორმალური განათლების ხელშეწყობა, მოტიცავია-წახალისება და ამ მიზნით თანამედროვე ტექნოლოგიების გამოყენების უნარ-ჩვევების განვითარება.

იხილეთ ფოტოები: