წალენჯიხის N2 საჯარო სკოლა ალექსანდრე ქუჩულორიას „წალენჯიხის ეტალონი მოსწავლის“ ტიტულის მოპოვებას ულოცავს
წალენჯიხის N2 საჯარო სკოლის მოსწავლე ალექსანდრე ქუჩულორია „წალენჯიხის ეტალონი მოსწავლე“ გახდა.
სკოლა მოსწავლეს ამ მიღწევას ულოცავს და საქართველოს ეროვნული ინტელექტ-ჩემპიონატ „ეტალონის“ ფინალში წარმატებებს უსურვებს.
„სკოლა ამაყობს მისით და იმედს ვიტოვებთ ფინალში „საქართველოს ეტალონი მოსწავლის ტიტულის მოპოვების“,- წერს სკოლა.
ინტლექტ-ჩემპიონატ „ეტალონის“ პირველ ეტაპში სკოლის 25 მოსწავლე მონაწილეობდა. მათგან 6 მოსწავლე მეორე ეტაპზე გადავიდა.
შეგახსენებთ, რომ კონკურსის პირველი ეტაპი ტესტირების სპეციალური პორტალის საშუალებით გაიმართა, რომლის შედეგების მიხედვით შეირჩნენ ის მოსწავლეები, რომლებიც ერთმანეთს შემდგომში „წალენჯიხის ეტალონი მოსწავლის“ ტიტულისთვის შეეჯიბრნენ.
ინტელექტ-ჩემპიონატის კონკურსის პირველ ეტაპში მონაწილე ყველა წალენჯიხელი მოსწავლე „ეტალონის“ სპეციალური ონლაინ სიგელით, ხოლო მეორე ეტაპში - ონლაინ ოქროს სიგელით დაჯილდოვდა.
იხილეთ ფოტოები: