ქედის მუნიციპალიტეტის სოფელ დოლოგნის საჯარო სკოლაში მოსწავლეებისთვის მუდამ საინტერესო და მრავალფეროვანი სასწავლო გარემოა შექმნილი.

ამჯერად სკოლაში V-VI კლასებს შორის ინტელექტუალური თამაში-ვიქტორინა - „ვინ მეტი იცის“, ჩატარდა; აღსანიშნავია, რომ ხელმძღვანელი ლიანა ჯინჭარაძე იყო.

„დოლოგნის საჯარო სკოლაში 20 ნოემბერს ჩატარდა ინტელექტუალური თამაში; 1979 წლის 20 ნოემბერს გაერთიანებული ერების ორგანიზაციის მიერ ხელმოწერილი იქნა ბავშვთა უფლებათა კონვენცია. საქართველომ ამ დოკუმენტზე რატიფიცირება 1992 წელს მოახდინა. მსოფლიოს ქვეყნები 20 ნოემბერს აღნიშნავენ, როგორც ბავშვთა საერთაშორისო დღეს. სწორედ ამ დღესთან დაკავშირებით კათედრაზე ჩავატარეთ V-VI კლასებს შორის ინტელექტუალური თამაში-ვიქტორინა - „ვინ მეტი იცის", - აღნიშნულია გავრცელებულ ინფორმაციაშია.