ზუგდიდის მუნიციპალიტეტის სოფელ ურთის საჯარო სკოლაში მოსწავლეებისთვის მუდამ მრავალფეროვანი სასწავლო გარემოა შექმნილი. სკოლაში სხვადასხვა საინტერესო აქტივობები ხშირად ეწყობა და ბავშვებიც დიდი ხალისით ერთვებიან.

სკოლის დაწყებითი საფეხურის მოსწავლეებმა ამჯერად „ოქროსფერი შემოდგომა“ ლამაზად გააცილეს.

ღონისძიება კოვიდრეგულაციებიდან გამომდინარე ღია სივრცეში გაიმართა, რომელიც მრავალფეროვანი აქტივობებით იყო დატვირთული.

ნიჭიერმა მოსწავლეებმა „ოქროსფერი შემოდგომა“ ლექსებით, სიმღერებითა და ცეკვებით გააცილეს. სკოლის ინფორმაციითვე ზეიმის მონაწილეებსა და მაყურებლებში ამაღლებული განწყობა შეინიშნებოდა.

იხილეთ ფოტოები: