ლაგოდეხის მუნიციპალიტეტის სოფელ ჰერეთისკარის საჯარო სკოლის მოსწავლეებმა საქართველოს ეროვნულ ინტელექტ-ჩემპიონატ „ეტალონში“ წარმატებით იასპარეზეს.
26 და 29 ნოემბერს საქართველოს ეროვნული ინტელექტ-ჩემპიონატი „ეტალონი“ლაგოდეხელი მოსწავლეებისთვის დისტანციურ რეჟიმში ჩატარდა.
ჰერეთისკარის საჯარო სკოლიდან კონკურსის პირველი ეტაპში, ტესტირების სპეციალური პორტალის საშუალებით, შვიდი მოსწავლე ჩაერთო. მათგან ოთხი - მეათეკლასელები - მაგდა ბერიძე და ნიკა ბოჭორიშვილი და მერვეკლასელები - ანუკი რთველაძე და მაკა დუმბაძე კონკურსის მეორე ეტაპზე გადავიდნენ.
მაგდა ბერიძე 29 ნოემბერს გამართული ინტელექტ-ჩემპიონატის მეორე ეტაპში, 84 ქულით, მუნიციპალიტეტის ყველაზე მაღალქულიან მონაწილეთა რეიტინგში მეორე ადგილზე გავიდა.
ინტელექტ-ჩემპიონატის კონკურსის პირველ ეტაპში მონაწილე ყველა მოსწავლე „ეტალონის“ სპეციალური ონლაინ სიგელით, ხოლო მეორე ეტაპში - ოქროს სიგელით დაჯილდოვდა.
ლაგოდეხის მუნიციპალიტეტის სოფელ ჰერეთისკარის საჯარო სკოლა ყველა მოსწავლეს წარმატებას უსურვებს.
