ქობულეთის მუნიციპალიტეტის სოფელ გორგაძეების საჯარო სკოლის პირველი კლასის მოსწავლეებმა უხვი და ფერადი შემოდგომა მუსიკის გაკვეთილზე საზეიმოდ გააცილეს. „ბარაქიანი შემოდგომა“ - ასე დაარქვეს მოსწავლეებმა ამ მხიარულ გაკვეთილს.

მუსიკის მასწავლებლის სოფო გორგილაძის ხელმძღვანელობით პატარა მოსწავლეებმა საკლასო ოთახი შემოდგომის შესაფერისად მორთეს, ხილით და ტკბილეულით სავსე კალათებიც მოიმარაგეს.

პატარებს არც საკუთარი შესაძლებლობების გამოვლენა დავიწყებიათ, საზეიმოდ გამოწყობილებმა სიმღერები და ლექსებიც შეასრულეს და შემოდგომას ერთი წლით დაემშვიდობნენ.

იხილეთ ფოტოები: