მესტიის მუნიციპალიტეტის სოფელ ლენჯერის N1 საჯარო სკოლის 2019-2020 სასწავლო წლის წარჩინებულ კურსდამთავრებულებს კუთვნილი ოქროსა და ვერცხილი მედლები გადაეცათ.

წარმატებული კურსდამთავრებულები არიან: ბერდია მერლანი, ნინო ფილფანი, გიორგი შუკვანი და თეკლე შუკვანი.

სკოლა ამაყობს კურსდამთავრებულებით და მომავალშიც წარმატებას უსურვებს.

„კიდევ ერთხელ გილოცავთ და გისურვებთ ახალ-ახალ წარმატებებს“,- წერს სკოლა. 

შეგახსენებთ, რომ ოქროს მედალი სკოლის კურსდამთავრებულებს იმ შემთხვევაში გადაეცემათ, თუ მათი საშუალო საფეხურის საერთო ქულა იქნება 10 დამრგვალების გარეშე. მოსწავლე, რომლის საშუალო საფეხურის საერთო ქულა იქნება 9.8, ვერცხლის მედალს მოიპოვებს.