გარდაბნის მუნიციპალიტეტის სოფელ კალინინოს საჯარო სკოლაში სასწავლო პროცესი რეგულაციების დაცვით, შეუფერხებლად მიმდინარეობს.
როგორც სკოლის დირექტორი, ზამილა მამედოვა Etaloni.ge-სთან საუბარში აღნიშნავს, რაც სწავლა დასწრებითი ფორმატით განახლდა, სკოლა დისტანციურზე არ გადასულა. სკოლის დირექცია ყველაფერს აკეთებს, რომ სასწავლო პროცესი უსაფრთხო გარემოში წარიმართოს.
„როგორც ყველა, 15 სექტემბრიდან 4-ოქტომბრამდე ვიყავით დისტრანციურად, ამის მერე ჩვენს სკოლაში ვირუსი არ დაფიქსირებულა და შეუფერხებლად ვაგრძელებთ სასწავლო პროცესს.
გრანდიოზულ აქტივობებს არ ვატარებთ, მაგრამ საშემოდგომო ღონისძიება გაიმართა, ცალ-ცალკე კლასებში, რა თქმა უნდა, რეგულაციების დაცვით“,- ამბობს სკოლის დირექტორი.
ზამილა მამედოვა, ელექტრონული ჟურნალის დანერგვის საკითხსაც შეეხო და აღნიშნა, რომ სკოლის მასწავლებლები სიახლეს მიეჩვივნენ და წარმატებით ართმევენ თავს.
„ელექტრონული ჟურნალის გამოყენებას შევეჩვიეთ, ყველაფერს დროულად ვაკეთებთ“,- დასძენს დირექტორი.
