
ხელვაჩაურის მუნიციპალიტეტის სოფელ ჭარნალის საჯარო სკოლაში პროექტი - „წარმატებული კურსდამთავრებული“ გრძელდება.
IVა და IVბ კლასის მოსწავლეები კვლავ შეხვდნენ ჭარნალის საჯარო სკოლის წარმატებულ კურსდამთავრებულს - ნეფროლოგ ლელა ზოიძეს.
სკოლიდან მოწოდებული ინფორმაციის თანახმად, ის გაესაუბრა მოსწავლეებს, მისცა რჩევა-რეკომანდაციები სწავლასთან და ჯანმრთელობასთან დაკავშირებით. მოსწავლეებმა დაუსვეს კითხვები: როგორ გახდა წარმატებული? რა დაეხმარა მიზნის დასახვაში? რომელი მასწავლებელი და საგანი უყვარს და ა.შ. რაზეც მოსწავლეებმა ამომწურავი პასუხები მიიღეს.
„ყოველივე ეს მოსწავლეებს დაეხმარება სწავლისადმი მოთხოვნილებების ამაღლებაში და სამომავლო მიზნების დასახვაში“,- აღნიშნულია სკოლის მიერ მოწოდებულ ინფორმაციაში.