ლეციცხვაიეს საჯარო სკოლის ეკოკლუბი გარემოსდაცვითი კონკურსის ფარგლებში დასაჩუქრდა
15-11-2021
გელა ჭედიას სახელობის მარტვილის მუნიციპალიტეტის სოფელ ლეციცხვაიეს საჯარო სკოლის გამორჩეული და აქტიური ეკოკლუბი, ნიკო კეცხოველის სასკოლო პრემიის ფარგლებში, CENN-ის კონკურსის ორგანიზატორებმა და პარტნიორმა ორგანიზაციებმა დაასაჩუქრეს.
ეროვნულმა სატყეო სააგენტომ სკოლას გამწვანების პროექტი მოუმზადა, მცენარეების შესაფერისი სახეობები შეურჩია და მოვლის შესაბამისი რეკომენდაციები გაუზიარა.
სატყეო სააგენტოსა და CENN-ის თანამშრომლებმა ეკოკლუბს შერჩეული ნერგები გადასცეს და ნაწილი სკოლის ეზოში ერთობლივად დარგეს.
ამასთან, FAO საქართველოს ოფისმა ეკოკლუბს გადასცა პროექტორი, ხოლო ეკოკლუბის ათივე წევრს - სმარტფონები, რომლებსაც ბავშვები კეცხოველის ახალ კონკურსში მასალების ასატვირთად გამოიყენებენ. ეკოკლუბის წევრებმა პრიზები ცხოველთა იდენტიფიკაცია-რეგისტრაციის ეროვნული სისტემის (NAITS) შესახებ გამოვლენილი ცოდნისა და ჩატარებული აქტივობებისთვის მიიღეს.
ლეციცხვაიეს სკოლის ეკოკლუბი ნიკო კეცხოველის პრემიაში 2017 წლიდან მონაწილეობს და ორჯერ კონკურსის ფინალისტი გახდა. ნიკო კეცხოველის სასკოლო პრემია პროექტის - ტყის მდგრადი მართვა სოფლის განვითარებისათვის, ავსტრიის განვითარების თანამშრომლობის/Austrian Development Cooperation ფინანსური მხარდაჭერით ხორციელდება.
იხილეთ ფოტოები:
იხილეთ ფოტოები:
სკოლების სიახლეები
