თელავის მუნიციპალიტეტის სოფელ ყარაჯალის საჯარო სკოლის სამოქალაქო კლუბის წევრებმა - ემილია სირონ ოღლმა და მარიკა ასანოვამ, პედაგოგ ნათია ჯიჯელავას ხელმძღვანელობით პრეზენტაცია გამართეს. 

პრეზენტაციის თემა იყო - საქართველოს კონსტიტუცია. 

სკოლის წარმომადგენლის თქმით, პრეზენტაცია მიზნად ისახავდა სასკოლო საზოგადოებაში ცნობიერების ამაღლებას. თუ როგორი დოკუმენტია კონსტიტუცია? რას განსაზღვრავს და რატომ უნდა ვიცოდეთ მის შესახებ?

პრეზენტატორებმა ყურადღება გაამახვილეს თანასწორობასა და განათლების უფლებაზე. გაიმართა დისკუსია სკოლის მოსწავლეებთან ერთად.

იხილეთ ფოტო: