კონსტანტინე მეძველიას სახელობის ხონის მუნიციპალიტეტის სოფელ ნახახულევის საჯარო სკოლის პირველკლასელები დედა ენას საინტერესო აქტივობებით სწავლობენ.
პედაგოგმა, ირმა ეძგვერაძემ მოსწავლეებს თემაზე - „აი ია“ მრავალფეროვანი და სახალისო აქტივობებით გაჯერებული გაკვეთილი შესთავაზა. პედაგოგმა სასწავლო პროცესისას არაერთი სასწავლო რესურსი და ვიზუალური მასალა გამოიყენა.
მოსწავლეები სასწავლო პროცესში ხალისით ჩაერთვნენ და შესაძლებლობები წარმოაჩინეს.
„იაკობ გოგებაშვილმა ჩვენ „დედა ენა“ გვაჩუქა. ასე სიყვარულითა და სითბოთი მოეფერნენ ჩემი პატარები სიბრძნის წიგნს, ეზიარნენ ანბანის საოცარ ძალას, იმოგზაურეს „საანბანეთში“, რომელიც მეტად მრავალფეროვანი და სახალისო გამოდგა. მუდამ გეზეიმოთ, გეხაროთ და გეშრიალოთ ჩემო თვალხატულებო!“,- აღნიშნავს პედაგოგი ირმა ეძგვერაძე.
იხილეთ ფოტოები:
