მარნეულის მუნიციპალიტეტის სოფელ მარადისისა და კასუმლოს საჯარო სკოლების ქართული ენისა და ლიტერატურის მასწავლებელი ლამარა ბოლქვაძე მასწავლებლის ეროვნული ჯილდოს ფინალისტებს შორის დასახელდა.

მასწავლებლის ეროვნული ჯილდო 2017 წელს დაწესდა. აღნიშნული ინიციატივა საქართველოში უკვე მეხუთედ ხორციელდება და ის მასწავლებელთა პოპულარიზაციისკენ მიმართული გლობალური კამპანიის - „The Global Teacher Prize“ ნაწილია.

ფინალური ღონისძიება 5 ოქტომბერს ვახტანგ სარალიძის სახელობის საკონცერტო დარბაზში გაიმართა.