უშგულის საჯარო სკოლაში პირველკლასელებს განსაკუთრებულად დახვდნენ
06-10-2021
მესტიის მუნიციპალიტეტის სოფელ უშგულის საჯარო სკოლაში პირველკლასელებს განსაკუთრებულად დახვდნენ.
სკოლის დირექციამ COVID-19-ის საპასუხოდ არაერთი მნიშვნელოვანი ღონისძიება განახორციელა, რათა ბავშვების ჯანმრთელობა და უსაფრთხოება სათანადოდ იყოს დაცული.
აღსანიშნავია, რომ სკოლის კარი წელს ორმა მოსწავლემ - ანამარია დოლიძემ და დემეტრე ნიჟარაძემ შეაღეს.
დირექცია, ყველა მოსწავლეს ულოცავს სწავლის სკოლაში განახლებას და მისალოც წერილს ავრცელებს:
„2021-2022 სასწავლო წლის პირველი დღე სკოლაში. გილოცავთ ამ ღირსშესანიშნავ დღეს, უპირველესად, ჩვენს პირველკლასელებს - ანამარია დოლიძესა და დემეტრე ნიჟარაძეს! ყველას ნაყოფიერ სასწავლო წელს გისურვებთ ! სულ მაღლა და მაღლა! სულ ზევით და ზევით!“ - წერია სკოლის დირექციის განცხადებაში.
იხილეთ ფოტოები:
სკოლების სიახლეები
