სენაკის მუნიციპალიტეტის სოფელ ხორშის საჯარო სკოლა მოსწავლეებს განსაკუთრებულად მომზადებული შეხვდა. სკოლის ადმინისტრაციამ COVID-19-ის საპასუხოდ არაერთი მნიშვნელოვანი ღონისძიება განახორციელა, რათა მოსწავლეებმა უსაფრთხო გარემოში ისწავლონ.
სკოლის დირექცია მოსწავლეებს სწავლის საკლასო ოთახებში განახლებას ულოცავს და მისალოც წერილს ავრცელებს:
„ხორშის საჯარო სკოლამ ახალი სასწავლო წელი საკლასო ოთახებში დაიწყო. სკოლაში სწავლა რეგულაციების დაცვით მიმდინარეობს. ჩვენი სკოლის დირექცია ახალი სასწავლო წლის დაწყებას ულოცავს ჩვენს მოსწავლეებს და მათ მშობლებს. განსაკუთრებით ვულოცავთ ჩვენს პირველკლასელებს. აღსანიშნავია, რომ ჩვენი სკოლის დირექტორის ბატონ კახაბერ გვასალიას ვაჟი, ნიკოლოზი დღეს გახდა პირველკლასელი და შემოაბიჯა ჩვენ სკოლაში მეგობრებთან ერთად. ბატონ კახაბერს ვულოცავთ ნიკოლოზის ცხოვრების მნიშვნელოვან ეტაპზე გადასვლას“, - აღნიშნულია დირექციის განცხადებაში.
