თბილისის N144 საჯარო სკოლაში 4 ოქტომბერს მოსწავლეებთან შესახვედრად განსაკუთრებულად მოემზადნენ. ბავშვებისთვის უსაფრთხო გარემოს შესაქმნელად სკოლის თანამშრომლებმა თავდაუზოგავად იმუშავეს.
სკოლის ადმინისტრაციის ინფორმაციით, „აქვა პოინტმა“ 15 სექტემბერს გეგმიური სადეზინფექციო სამუშაოები ჩაატარა; 3 ოქტომბერს სწავლის საკლასო ოთახებში განახლების წინ იგივე ღონისძიება კვლავ გატარდა; ასევე, პედაგოგების უმრავლესობა უკვე აცრილია და COVID-19-ზე გეგმიური ტესტირებაც ჩაუტარდათ.
უსაფრთხო გარემოს უზრუნველსაყოფად, განათლებისა და მეცნიერების სამინისტროს ხელშეწყობით, სკოლის ადმინისტრაციამ და ტექნიკურმა სამსახურმა ყველა საჭირო ღონისძიება გაატარა: სკოლა სრულადაა აღჭურვილი ელექტრო თერმომეტრებით, დეზობარიერებით, სანიტაიზერებითა და სადეზინფექციო სითხეებით. დასუფთავდა სკოლის ყველა საკლასო ოთახი, სველი წერტილი და დერეფანი.
იხილეთ ფოტოები:
