ნინოწმინდის მუნიციპალიტეტის სოფელ ყაურმის საჯარო სკოლის მოსწავლეები - ნორა მკრტჩიანი, სუსანნა ნიკოგოსიანი, ოკსანა ეპრიკიანი საქართველოს ეროვნულ ინტელექტ-ჩემპიონატ „ეტალონში“ მონაწილეობისთვის დაჯილდოვდნენ.

ნინოწმინდის მუნიციპალიტეტის დისტანციური კონკურსის მონაწილეებს  - სუსანნა ნიკოგოსიანს და ოკსანა ეპრიკიანს „ეტალონის“ სპეციალური ონლაინ სიგელები გადაეცათ. კონკურსის მეორე ეტაპში წარმატებული მონაწილეობისთვის კი ნორა მკრტჩიანმა ოქროს სიგელი დაიმსახურა.

29 სექტემბერს საქართველოს ეროვნული ინტელექტ-ჩემპიონატი „ეტალონი“ დისტანციურ რეჟიმში ნინოწმინდელი მოსწავლეებისთვის ჩატარდა. ინტელექტუალურ კონკურსში ნინოწმინდის მუნიციპალიტეტის სკოლების მე-8, მე-9, მე-10 და მე-11 კლასის მოსწავლეები ჩაერთნენ. 

კონკურსის პირველი ეტაპის შედეგების მიხედვით შეირჩა 77 მოსწავლე, რომლებიც ერთმანეთს „ნინოწმინდის ეტალონი მოსწავლის“ ტიტულისთვის შეეჯიბრნენ. კონკურსის II ეტაპი 30 სექტემბერს 10:00 საათიდან 16:00 საათამდე კვლავ დისტანციურ რეჟიმში გაიმართა.

იხილეთ ფოტოები: