ოზურგეთის მუნიციპალიტეტის დაბა ნარუჯის საჯარო სკოლის ეკოკლუბი - „მწვანე მომავალი“ გარემოსდაცვითი კონკურსის - „ნიკო კეცხოველის სასკოლო პრემია“ ფინალში მონაწილეობდა.
კლუბის წევრებმა კონკურსის ფარგლებში არაერთი საინტერესო და მნიშვნელოვანი აქტივობა განახორციელეს, რის გამოც მათ ფინალში მოხვედრა დაიმსახურეს.
შეგახსენებთ, რომ ახალგაზრდული გარემოსდაცვითი კონკურსი - ნიკო კეცხოველის სასკოლო პრემია - 2015 წელს CENN-ის მიერ დაარსდა, პროექტის - ტყის მდგრადი მართვა საქართველოში - ფარგლებში, ავსტრიის განვითარების თანამშრომლობის /Austrian Development Cooperation ფინანსური მხარდაჭერით.
კონკურსის თანაორგანიზატორები არიან: საქართველოს განათლების, მეცნიერების, სპორტისა და კულტურის სამინისტრო, საქართველოს გარემოს დაცვისა და სოფლის მეურნეობის სამინისტრო, საქართველოს პარლამენტი.
დაარსებიდან დღემდე კონკურსში მონაწილეობა მიიღო 1000-ზე მეტმა სკოლამ.
იხილეთ ფოტოები:
