წყალტუბოს მუნიციპალიტეტის სოფელ ფარცხანაყანევის N1 საჯარო სკოლამ ახალი სასწავლო წელი წარმატებით დაიწყო.
დირექცია მოსწავლეებს ახალი სასწავლო წლის დაწყება დისტანციურად მიულოცა და წარმატებული, ნაყოფიერი წელი უსურვა. მიუხედავად დისტანციური სწავლებისა, ბავშვები საგაკვეთილო პროცესში აქტიურად არიან ჩართულნი.
„ახალ სასწავლო წელს გილოცავთ ჩვენო უმცროსო მეგობრებო, წარმატებულ და მშვიდობიან წელს გისურვებთ. დღეს დილაადრიან არ მოგიწევთ სკოლაში მოსვლა და ვერც მონატრებული ზარის ხმას გაიგონებთ, „თიმსის“ ზარი შეგაფხიზლებთ. გაკვეთილები ისევ ისეთი იქნება, როგორც ყოველთვის.
გისურვებთ, რომ ეს წელი ყოფილიყოს ახალი მიზნების, იდეების განხორციელების. იმედი გვაქვს, ყველა გამოწვევას ღირსეულად დავძლევთ...
თქვენ ხართ ჩვენი დიდი იმედი და მომავლის რწმენა!!!
ეს ყველაფერი ძალიან მალე დამთავრდება, ოღონდ მანამდე არ დაივიწყოთ სკოლა, არ დაკარგოთ მის მიმართ რწმენა და სიყვარული, რადგან მომავალში ყველაზე სათუთი მოგონებები მხოლოს მას უკავშირდება.
თქვენ სწავლობთ სკოლაში, სადაც ყველას ძალიან უყვარხართ!!!“- წერია დირექციის ინფორმაციაში.
