აბიტურიენტებს ბოლო დღე აქვთ განაცხადის გასაკეთებლად - ინსტრუქცია თანხის დაბრუნებაზე
27-09-2021
შეფასებისა და გამოცდების ეროვნული ცენტრის ინფორმაციით, აპელაციისათვის გადახდილი საფასურის დაბრუნების თაობაზე აბიტურიენტთა განაცხადები 27 სექტემბრის 18:00 საათამდე მიიღება. განცხადებები მიიღება მხოლოდ ელექტრონულად, სპეციალური პროგრამის გამოყენებით: https://online1.naec.ge/oapp
განაცხადით მომართვა შეუძლიათ იმ აბიტურიენტებს, რომელთაც:
- საპრეტენზიო განაცხადის საფუძველზე შეეცვალათ შეფასება (მოემატათ ან დააკლდათ ქულა);
- ტესტის შეფასებასთან დაკავშირებით საპრეტენზიო განაცხადის წარდგენისას თანხა ზედმეტად გადაიხადეს;
- სააპელაციო ვადის ამოწურვამდე არ წარადგინეს საპრეტენზიო განაცხადი ან აღნიშნული ვადის გასვლამდე უარი თქვეს ნაშრომის გასაჩივრებაზე.
თანხა მითითებულ ანგარიშებზე ჩაირიცხება განცხადებების მიღების დასრულებიდან ერთი თვის განმავლობაში.
სკოლების სიახლეები
