აკადემიკოს ილია ვეკუას სახელობის ფიზიკა-მათემატიკის ქალაქ თბილისის N42 საჯარო სკოლა თავის წარმატებულ კურსდამთავრებულს გვაცნობს. ქეთი გიგინეიშვილმა ერთიანი ეროვნული გამოცდები წარმატებით ჩააბარა და უმაღლეს სასწავლებელში ჩაირიცხა. 

იგი 501 საუკეთესო აბიტურიენტს შორის მოხვდა და კავკასიის უნივერსიტეტში სრულიად უფასოდ ისწავლის. ქეთი გიგინეიშვილი კავკასიის ტექნოლოგიების სკოლა (CST), არქიტექტურის პროგრამაზე ისწავლის. 

სკოლა ამაყობს კურსდამთავრებულით და მომავალშიც წინსვლას უსურვებს. 

„გვეამაყება ჩვენი კურსდამთავრებულები“,- წერს სკოლა.
                                                            
თავად ქეთი გიგინეიშვილი წერს, რომ აბიტურიენტობის პერიოდი სავსეა რთული, დატვირთული დღეებით, თუმცა ეს წელი მის ცხოვრებაში დაუვიწყარია. იგი მომავალ აბიტურიენტებს ურჩევს, რომ იბრძოლონ და არასოდეს დანებდნენ.