ლევან გოთუას სახელობის რუსთავის N17 საჯარო სკოლის დირექტორი ნელი ლიქოკელი მოსწავლეებს ახალი სასწავლო წლის დაწყებას ულოცავს და იმედს გამოთქვამს, რომ მალე დისტანციურ სწავლას სკოლაში ბავშვების ჟრიამული ჩაანაცვლებს.
„სასწავლო წლის დაწყებას გილოცავთ გოთუელებო. ახალი სასწავლო წელი, ახალი გამოწვევებით, ურთიერთობებით, ცოდნის შეძენის შესაძლებლობებით და უკეთესის მოლოდინით - მოლოდინით, რომ დისტანციურ სასწავლო პროცესს მალე თქვენი ჟრიამულით სავსე სასკოლო გარემო შეცვლის. ამ სიგელებს ახალი წარმატებები ჩაანაცვლებს და ამ პირბადეს თქვენი ღიმილები.
ჯანმრთელობით სავსე, მშვიდობიან და წარმატებულ წელს გისურვებთ ძვირფასებო!“- მიმართავს ნელი ლიქოკელი ბავშვებს.
დირექტორმა მისალოც ტექსტს კონკურსის „ბრიტანეთი და საქართველო“ მონაწილეთა სიგელები და პრიზები დაურთო, რომელიც სკოლამ ახლახანს მიიღო.
„სიამოვნებით გიზიარებთ და გელოდებით მასწავლებელთან ერთად. საუკეთესოები ხართ! VIIIა კლასი მონატრება გამიფერადეთ“, - წერს დირექტორი.
იხილეთ ფოტოები:
