„გისურვებთ ჯანმრთელობას და მშობლიურ სკოლაში მალე დაბრუნებას“- ბარდნალის საჯარო სკოლის დირექტორი სასკოლო საზოგადოებას სწავლის დაწყებას ულოცავს
15-09-2021
ლადო ასათიანის სახელობის ცაგერის მუნიციპალიტეტის სოფელ ბარდნალის საჯარო სკოლის დირექტორი მთვარისა ახვლედიანი მოსწავლეებს, პედაგოგებსა და მშობლებს ახალი სასწავლო წლის დაწყებას ულოცავს.
„15 სექტემბერი 2021 - 2022 სასწავლო წლის პირველი დღეა! გილოცავთ ახალ სასწავლო წელს!
მოგეხსენებათ, რომ საკოორდინაციო საბჭოს გადაწყვეტილებით სასწავლო პროცესი მეორე-მეთორმეტე კლასებში ჯერჯერობით დისტანციურად წარიმართება, პირველკლასელები კი 4 ოქტომბერს სწავლას საკლასო ოთახებში შეუდგებიან.
თქვენთან ერთად ლადო ასათიანის სახელობის ბარდნალის საჯარო სკოლის სახელით ყველა მოსწავლეს, მასწავლებელსა და მშობელს ვულოცავ და გისურვებთ უპირველესად ჯანმრთელობას, შემდეგ კი - მშობლიურ სკოლაში, უსაფრთხო, მშვიდ გარემოში მალე დაბრუნებას!“,- წერს ბარდნალის საჯარო სკოლის დირექტორი მთვარისა ახვლედიანი.
სკოლების სიახლეები
