ხარაგაულის მუნიციპალიტეტის სოფელ ვარძიის საჯარო სკოლის კურსდამთავრებულებმა ერთიანი ეროვნული გამოცდები წარმატებით ჩააბარეს და სასურველ უმაღლეს სასწავლებლებში ჩაირიცხნენ. 

სკოლაში კურსდამთავრებულებს სტუდენტობას ულოცავენ და წინსვლასა და წარმატებას უსურვებენ.

„ვარძიის საჯარო სკოლა დღეს ამაყია თქვენით, ჩვენო აწ უკვე სტუდენტებო! გილოცავთ ცხოვრების ამ ლამაზ პერიოდს, სტუდენტობას! ღირსეულად გაგევლოთ ცხოვრების ახალი ბილიკები! გესახელებინოთ თქვენი სკოლა! მიყვარხართ ძალიან და თქვენი გულშემატკივარი ვარ მთელი ცხოვრება!“- წერს სკოლის პედაგოგი მარინა ტურაშვილი.