წყალტუბოს მუნიციპალიტეტის სოფელ ტყაჩირის საჯარო სკოლის კურსდამთავრებულთათვის 2020-2021 სასწავლო წელი წარმატებული აღმოჩნდა. ისინი სასურველ უმაღლეს სასწავლებლებში ჩაირიცხნენ.

სკოლამ, პანდემიის მიუხედავად სასწავლო პროცესის მშვიდად დასრულება შეძლო და ცხრამეტი კურსდამთავრებულიდან თორმეტი მათგანი სტუდენტი გახდა; რვა კურსდამთავრებულმა კი გრანტიც დაიმსახურა.

ტყაჩირის საჯარო სკოლა კურსდამთავრებულებს ულოცავს სასურველ უმაღლეს სასწავლებლებში მოხვედრას და სკოლისა და ქვეყნის სასახელოდ უამრავ წარმატებებს უსურვებს.