ჭიათურის მუნიციპალიტეტის სოფელ ქვედა ბერეთისის საჯარო სკოლის კურსდამთავრებულებმა ერთიანი ეროვნული გამოცდები წარმატებით ჩააბარეს და სასურველ უმაღლეს სასწავლებლებში ჩაირიცხნენ.
სკოლა მოსწავლეთა წარმატებით ამაყობს და სტუდენტობას ულოცავს.
„ჭიათურის მუნიციპალიტეტის სოფელ ქვედა ბერეთისის საჯარო სკოლა 2020-2021 სასწავლო წელს 6 მოსწავლემ დაამთავრა. აქედან ხუთმა წარმატებით ჩააბარა მისაღები გამოცდები სხვადასხვა უმაღლეს სასწავლებელში. ესენი არიან: საბა გაფრინდაშვილი, თამარ ნადირაძე, ლექსო ტაბატაძე, ლუკა კვიჟინაძე და საბა ტაბატაძე, რომელიც სკოლის ვერცხლისმედალოსანია, მხოლოდ სკოლაში მიღებული ცოდნით, 70%-იანი გრანტით ჩაირიცხა შავი ზღვის საერთაშორისო უნივერსიტეტში. ქვედა ბერეთისის 2020-21 სასწავლო წლის კურსდამთავრებულები პირველივე კლასიდან გამორჩეულად სწავლობდნენ და მრავალი კონკურსების გამარჯვებულები არიან, რაშიც დიდი დამსახურება მათ აღმზრდელ პედაგოგებს მიუძღვით. მადლობა ბავშვებს და მადლობა პედაგოგებს, რომელთა შრომის შედეგად დღეს ორივე მხარე ამაყობს“,- აღნიშნულია სკოლის წერილში.
იხილეთ ფოტოები:
